ملک میں پٹرول اور ڈيزل کی قیمتیں اس وقت ریکارڈ سطح پر ہیں۔دہلی کو علاوہ دیگر شہروں میں ڈیزل زائد قیمت پر فروخت ہو رہی ہیں۔
گھریلو بازار کی سب سے بڑی آئل مارکیٹنگ کمپنی انڈین آئل کارپوریشن کے مطابق قومی دارالحکومت دہلی میں آج پٹرول 35 پیسے مہنگا ہوکر 87.30 روپے فی لیٹر تک پہنچ گیا۔
ممبئی میں آج پٹرول کی قیمت میں 34 پیسے اضافے کے ساتھ 93.83 روپے ہے جبکہ کولکاتہ میں یہ 33 پیسے اضافے سے 88.63 روپے فی لیٹرکی بلند ترین سطح پر پہنچ گئی ہے۔
چنئی میں پٹرول کی قیمت میں 31 پیسے کا اضافہ ہوا ہے ، جہاں ایک لیٹر پٹرول 89.70 روپے میں فروخت ہورہا ہے۔
مزید پڑھیں:پیٹرول اور ڈیزل کی قیمتوں میں اضافہ
ممبئی میں پہلی بار پیٹرول 93 روپے اور چنئی میں 89 روپے فی لیٹر کے پار ہوا ہے۔
دہلی میں ڈیزل کی قیمت 35 پیسے اضافے کے ساتھ 77.48 روپے فی لیٹر ہوگئی جو 30 جولائی 2020 کے بعد ریکارڈ بلند سطح ہے۔
ڈیزل کی قیمت ممبئی میں 37 پیسے اضافے کے ساتھ 84.36 روپے، چنئی میں 33 پیسے اضافے کے ساتھ 82.66 روپے اور کولکاتہ میں 35 پیسے کے اضافے کے ساتھ 81.06 روپے فی لیٹر ہوگئی۔
