كے وی آئی سی کے چیئرمین ونے کمار سکسینہ نے کہا کہ کھادی کی صنعت کو ازسر نو بحال کرنے کی حکومت کی مسلسل کوششوں اور کھادی کو روز مرہ کی زندگی کی ضرورت کے طور پر اپنانے کے لئے، وزیر اعظم کی اپیل کرنے کے نتیجے میں، كے وی آئی سی مسلسل ترقی کر رہا ہے۔
انہوں نے کہا کہ گزشتہ ایک سال میں کھادی کا کاروبارمالی سال 2018-19 میں 3215.13 کروڑ روپے تھا جو 31 فیصد اضافہ درج کرتے ہوئے مالی سال 2019-20 میں 4211.26 کروڑ روپے ہو گیا۔
دیہی صنعتوں کی مصنوعات کا کاروبار مالی سال 2019-20 میں 84 ہزار 675.39 کروڑ روپے تک پہنچ گیا۔ اس میں گزشتہ سال کے بمقابلہ 19 فیصد سے زیادہ کا اضافہ درج کیا گیا ہے۔
اس مالی سال 2018-19 میں 71 ہزار 077 کروڑ روپے تھا۔اعدادوشمار کے مطابق مالی سال 2015-16 میں کھادی کی پیداوار 1066 کروڑ روپے لگائی گئی تھی جو کہ مالی سال 2019-20 میں بڑھ کر 2292.44 کروڑ روپے ہو گئی، جس میں 115 فیصد سے زائد اضافہ درج کیا گیا ہے۔
دوسری طرف کھادی کی فروخت سے اور بھی زیادہ رہی۔ کھادی فیبرک مصنوعات کی فروخت مالی سال 2015-16 میں 1510 کروڑ روپے تھی جو کہ مالی سال 2019-20 میں 179 فیصد بڑھ کر 4211.26 کروڑ روپے ہو گئی۔
