سینسیکس میں 445 پوائنٹس، نفٹی میں 137 پوائنٹس کا اضافہ

بی ایس ای میں کل 3449 کمپنیوں کا کاروبار ہوا، جن میں سے 2072 منافع میں اور 1211 خسارے میں رہا، جبکہ 166 میں کوئی تبدیلی نہیں آئی۔

عالمی سطح پر مثبت اشاروں کے ساتھ ساتھ گھریلو سطح پر آئل اینڈ گیس، ٹیلی کام، انرجی، پاور، آئی ٹی اور ٹیک جیسے گروپوں میں خریداری کی بنیاد پر منگل کو مسلسل دوسرے دن اسٹاک مارکیٹ میں تیزی آئی۔ اس دوران بی ایس ای سینسیکس 445.36 پوائنٹس چھلانگ لگا کر 59744.88 پوائنٹس اور نیشنل اسٹاک ایکسچینج (این ایس ای) نفٹی 137.05 پوائنٹس بڑھ کر 17828.30 پوائنٹس پر پہنچ گیا۔

بی ایس ای کا 30 حصص کا حساس انڈیکس سینسیکس 21 پوائنٹس کے اضافے کے ساتھ 59320.14 پوائنٹس پر کھل گیا۔ اوپننگ ٹریڈ میں ہی یہ کم ہوکر 59127.04 پوائنٹس کی سطح پر آگیا تھا لیکن اس کے بعد خریداری شروع ہونے کی بنیاد پر 59778.87 کی بلند سطح پر پہنچ گیا۔ آخر میں یہ گزشتہ سیشن کے 59299.32 پوائنٹ کے مقابلے میں 0.75 فیصد یعنی 445.56 سے بڑھ کر 59744.88 پوائنٹس ہوگیا۔

بی ایس ای مڈ کیپ اور اسمال کیپ میں کچھ سست خریداری رہی۔ مڈکیپ 0.33 فیصد بڑھ کر 25688.67 پوائنٹس اور اسمال کیپ 0.54 فیصد بڑھ کر 28851.62 پوائنٹس پر رہا۔ بی ایس ای میں شامل گروپوں میں سے 15 اوپر اور چار نیچے تھے۔

منافع میں رہنے والوں میں آئل اینڈ گیس، ٹیلی کام، انرجی، پاور، آئی ٹی، ٹیک، جبکہ خسارے میں رہنے والوں میں ریئلٹی، ہیلتھ کیئر، میٹلز اور ایف ایم سی جی شامل ہیں۔ بی ایس ای میں کل 3449 کمپنیوں کا کاروبار ہوا، جن میں سے 2072 منافع میں اور 1211 خسارے میں جبکہ 166 میں کوئی تبدیلی نہیں آئی۔

این ایس ای کا نفٹی 30 پوائنٹس کی کمی سے 17661.35 پوائنٹس پر کھل گیا۔ سیشن کے دوران یہ 17640.90 پوائنٹس کی کم ترین سطح پر ٹوٹ گیا۔ تاہم خریداری کے آغاز کے بعد یہ 17833.45 پوائنٹس کی بلند ترین سطح پر پہنچ گیا۔ آخر میں یہ 0.77 فیصد یعنی 137.05 پوائنٹس بڑھ کر 17828.30 پوائنٹس ہو گیا جبکہ پچھلے سیشن کے 17691.25 پوائنٹس کے مقابلے میں0.77 یعنی 137.05 پوائنٹ بڑھ کر 17828.30 پوائنٹ پر رہا۔ نفٹی میں شامل کمپنیوں میں سے 31 برتری میں اور 19 میں کمی رہی۔

یو این آئی