وزارت خزانہ کے اقتصادی امور کے شعبہ کی جانب سے بیرونی قرضوں سے متعلق جاری کی جانے والی رپورٹ میں کہا گیا ہے کہ مارچ 2020 میں بھارت پر بیرونی قرض 558.4 ارب ڈالر تھا جو بڑھ کر 570 ارب ڈالر ہوگیا ہے۔
بھارت کی مجموعی گھریلو پیداوار (جی ڈی پی) کے تناسب پر یہ بیرونی قرض مارچ 2020 میں 20.6 فیصد تھا جو رواں برس مارچ میں بڑھ کر 21.1 فیصد ہوگیا۔
ملک پر مجموعی غیر ملکی قرض میں تجارتی قرض، قلیل مدتی کاروباری قرض اور ملٹی لیول لون کی حصہ داری 92 فیصد ہے۔
مارچ 2020 کے مقابلے میں مارچ 2021 میں تجارتی قرض اور قلیل مدتی کاروباری قرض میں کمی واقع ہوئی جبکہ ملٹی لیول لون میں اضافہ درج کیا گیا ہے۔
ملک کے غیر ملکی زرمبادلہ کے ذخائر کے تناسب میں غیر ملکی قرض مارچ 2021 میں 101.2 فیصد رہا جو کہ مارچ 2020 کے مقابلے میں 15.6 فیصد زیادہ ہے۔
سنہ 2020-21 کے دوران کورونا وبا سے نمٹنے کے لیے مختلف ذرائع سے غیر ملکی امداد میں اضافے کی وجہ سے حکومتی قرض مارچ 2020 کے مقابلے میں 6.2 فیصد اضافے کے ساتھ 107.2 ارب ڈالر پر پہنچ گیا۔ غیر حکومتی قرض 1.2 فیصد بڑھ کر اس دوران 462.8 ارب ڈالر ہو گیا۔
