حکومت اپنی گولڈ بانڈ اسکیم کے تحت آن لائن درخواست دینے اور ڈیجیٹل موڈ کے ذریعے ادائیگی کرنے والے سرمایہ کاروں کو 50 روپے فی گرام چھوٹ دے گی۔ وزارت خزانہ کے ایک بیان کے مطابق سبسکرپشن کے لیے ڈیجیٹل موڈ کا استعمال کرنے والے سرمایہ کاروں کے لیے سونے کے بانڈز کی قیمت 5،054 روپے فی گرام ہوگی۔
اس سلسلے میں حکومت نے ریزرو بینک آف انڈیا کے ساتھ مشاورت سے فیصلہ کیا ہے کہ وہ ان سرمایہ کاروں کو جو آن لائن درخواست دیتے ہیں اور اس کی ادائیگی ڈیجیٹل موڈ کے ذریعہ کرتے ہیں، ایسے سرمایہ کار کو ایشو قیمت سے فی گرام 50 روپےکی چھوٹ دے گی۔
اس سلسلے میں مرکزی وزیر خزانہ نے گذشتہ ماہ دسمبر کو ایک نوٹیفکیشن بھی جاری کیا تھا۔
