ممبئی: ملک کے بیرونی زرمبادلہ کے ذخائر 8 جنوری کو ختم ہونے والے ہفتے میں 75.8 کروڑ ڈالر کے اضافے سے 586.08 ارب ڈالر کی نئی ریکارڈ سطح پر پہنچ گئے۔ زرمبادلہ کے ذخائر میں یہ مسلسل دوسرا ہفتہ وار اضافہ ہے۔
اس سے قبل یکم جنوری کو ختم ہونے والے ہفتے میں زرمبادلہ کے ذخائر 4 ارب 48 کروڑ ڈالر اضافے سے 585.32 ارب ڈالر ہوگئے تھے۔
مزید پڑھیں: واٹس ایپ کی نئی پرائیویسی پالیسی پر18جنوری کو سماعت
ریزرو بینک آف انڈیا کی طرف سے جمعہ کے روز جاری ہونے والے اعداد و شمار کے مطابق 08 جنوری کو ختم ہونے والے ہفتے میں زرمبادلہ کے ذخائر کا سب سے بڑا عنصر غیر ملکی کرنسی کا اثاثہ میں 15 کروڑ ڈالر کے اضافے سے 541.79 ارب ڈالر تک جا پہنچا۔ اس عرصے کے دوران سونے کے ذخائر بھی .56.8 کروڑ ڈالر اضافے سے37.59 ارب ڈالر ہوگئے۔
