مرکزی وزیر خزانہ نرملا سیتارمن نے جمعہ کے روز ہوا بازی کے شعبے کے نمائندوں کے ساتھ ایک میٹنگ میں اس شعبے کو درپیش مالی چیلنجوں اور قرض کی سہولیات وغیرہ پر تبادلہ خیال کیا۔ میٹنگ میں مرکزی شہری ہوا بازی کے وزیر جیوترادتیہ سندھیا اور وزارت خزانہ اور بینکوں کے نمائندے موجود تھے۔ Sitharaman Holds Review Meeting on CAPEX for Civil Aviation and Telecom
سوشل میڈیا پر ایک بیان میں یہ اطلاع دیتے ہوئے وزارت خزانہ نے جمعہ کو کہاکہ مرکزی وزیر خزانہ سیتا رمن نے آج نئی دہلی میں شہری ہوابازی کے شعبے کے نمائندوں کے ساتھ مرکزی شہری ہوابازی کے وزیر جے ایم سندھیا کی موجودگی میں بینکنگ اور کریڈٹ سہولیات سے متعلق مختلف مسائل پر تبادلہ خیال کرنے کے لیے ایک میٹنگ کی صدارت کی۔ بیان میں بتایا گیا کہ اس میٹنگ میں وزیر مملکت برائے خزانہ ڈاکٹر بھاگوت کراد بھی موجود تھے۔
میٹنگ میں فنانس، فنانشل سروسز، اکنامک افیئرز اور ریونیو ڈیپارٹمنٹس کے سیکرٹریز کے علاوہ مختلف پبلک سیکٹر بینکوں اور بینکس فورم آئی بی اے کے سربراہان بھی موجود تھے۔
مزید پڑھیں:
یو این آئی
