بھارتی ڈاک محکمہ نے ہیرے اور زیورات کے کاروبار کے مرکزی شہر سورت میں بین الاقوامی تجارتی مرکز (بزنیس سینٹر) افتتاح کیا ہے، تاکہ سورت کے جولری تاجروں کو آرڈر کا مال بیرون ملک پہنچانے میں آسانی ہو۔
ایک سرکاری اشتہار کے مطابق سورت شہر میں بھارتی ڈاک محکمہ کے اس بین الاقوامی بزنیس سینٹر کا افتتاح رکن پارلیمنٹ سی آر پاٹل نے کیا۔
تقریب میں وزیر مملکت برائے مواصلات دیوو سنگھ جی چوہان، وزیر مملکت برائے ریلوے و پارچہ گجرات سرکل کے ہیڈ پوسٹ ماسٹر جنرل بی پی سارنگی اور جنوبی گجرات کی پوسٹ ماسٹر جنرل سچیتا جوشی بھی موجود تھیں۔
اس بین الاقوامی بزنس سینٹر میں محکمہ ڈاک صارفین کو پیکیجنگ، بکنگ، گاہک دستاویزات کو تیار کروانے سمیت مختلف قسم کی خدمات کے لیے اپنے ملازمین کی تقرری کرے گا۔
اشتہار کے مطابق محکمہ ڈاک یہ سہولت بیرونی ممالک میں تجارتی سامان کی ڈیلیوری کے لیے تاجروں کو ایک مقام پر تمام وسائل و سہولیات فراہم کرے گا۔
- مزید پڑھیں: اکتوبر میں مینوفیکچرنگ پی ایم آئی میں بہتری آئی
- ای پی ایف میں 8.5 فیصد سود ادا کرنے کی ہدایات جاری
اشتہار کے مطابق اس سے سورت کے جولری تاجروں کو بیرونی ممالک سے ملنے والے جولری کے آرڈر کی ڈاک کے ذریعہ ڈیلیوری کرنے میں آسانی ہوگی۔ ان کے درآمدات کے کاروبار میں نجی کوریئر کی خدمات سے کم خرچ پر مال پہنچے گا۔
یو این آئی
