سنٹرل بورڈ آف ڈائریکٹ ٹیکسز (سی بی ڈی ٹی) نے سال 2021-22 کے لیے انکم ٹیکس ریٹرن داخل کرنے کی آخری تاریخ میں توسیع کرکے 31 دسمبر 2021 تک کردی ہے۔
سی بی ڈی ٹی نے آج جاری ایک بیان میں کہا کہ انکم ٹیکس ریٹرن داخل کرنے میں ٹیکس دہندگان اور دیگر اسٹیک ہولڈرز کو درپیش مشکلات کو مدنظر رکھتے ہوئے ریٹرن داخل کرنے کی آخری تاریخ 30 ستمبر 2021 سے بڑھا کر 31 دسمبر 2021 کر دی گئی ہے۔ اس کے ساتھ ہی مختلف طرح کے آڈٹ رپورٹ داخل کرنے کی تاریخوں میں بھی توسیع کی گئی ہے۔
مزید پڑھیں: ڈی ایم آر سی کی اپیل مسترد، ریلائنس کو ملیں گے 2800 کروڑ روپے
عام طور پر انکم ٹیکس ریٹرن داخل کرنے کی آخری تاریخ 31 جولائی ہوتی ہے، لیکن رواں برس نئے پورٹل کو شروع کرنے کے دن ، 7 جون سے ہی اس میں مشکلات کا سامنا ہے جس کی وجہ سے ٹیکس دہندگان کو آئی ٹی آر داخل کرنے میں کافی دشواریوں کا سامنا کرنا پڑا ہے۔ اگرچہ وزیر خزانہ نرملا سیتارمن خود ان مشکلات پر قابو پانے کی کوشش کر رہی ہیں، لیکن اب تک پورٹل مکمل طور پر ٹھیک کام نہیں کر رہا ہے۔ اس کو آپریٹ کرنے والی کمپنی انفوسیس بھی اسے ٹھیک کرنے کی کوشش کر رہی ہے اور بڑی حد تک تکنیکی مشکلات کو دور کر دیا گیا ہے۔
یو این آئی
