ایمیزون پرائم ویڈیو بھارت میں دوگنی سرمایہ کاری کرے گا: جیف بیزوس

بین الاقوامی شہرت یافتہ شاپنگ و خدمات فراہم کرنے والی کمپنی ایمیزون کے بانی اور سی ای او جیف بیزوس جمعرات کو ایمیزون پرائم ویڈیو میگا ایونٹ میں گرل فرینڈ لارین سانچیز کے ساتھ ممبئی پہنچے۔

ایمیزون کے بانی و سی ای او جیف بیزوس تین روزہ بھارتی دورے پر ہیں۔ جمعرات کے روز انہوں نے بالی وڈ اداکار شاہ رخ خان، زویا اختر، گلوکار اے آر رحمنٰ کے ساتھ اسٹیج شیئر کیا اور بھارت میں ویڈیو مواد کے حوالے سے ایمیزون پرائم ویڈیو کے تعلق سے متعدد اعلات کیں۔

بیزوس نے کہا کہ' بھارت میں ایمیزون پرائم ویڈیو کے واچ ٹائم میں گذشتہ دو برسوں میں 6 گنا اضافہ ہوا ہے، اور اسی وجہ سے ہم نے فیصلہ کیا ہے کہ ہم اس پلیٹ فارم پر اپنی سرمایہ کاری کو دوگنا کرنے جارہے ہیں۔