ایشیائی ترقیاتی بینک (اے ڈی بی) نے اعلان کیا ہے کہ اس نے تجارتی انتظامات کو بہتر بنانے کے ذریعے پاکستان میں بڑے پیمانے پر معاشی استحکام لانے کے لیے۔ 30 کروڑ ڈالر پر مبنی قرض کی منظوری دے دی ہے۔ خبر رساں ایجنسی ژنہوا نے اے ڈی بی کے ذریعہ دیے گئے ایک بیان کے حوالے سے اپنی رپورٹ میں کہا قرض کا مقصد پاکستان میں خسارے کی صورتحال کو پائیدار انداز میں حل کرنا اور برآمدات میں تنوع کو آسان بنانا ہے۔
بینک تجارتی مسابقت اور برآمدات میں تنوع کے ذریعہ پاکستان میں میکرو اکنامک استحکام کو فروغ دینے کیلئے یہ رقم بطور پالیسی قرضہ دے گا۔
سرکاری میڈیا کے مطابق اس ضمن میں فریقین کے درمیان معاہدے پر دستخط ہو گئے ہیں۔ پاکستان کی طرف سے سیکرٹری اقتصادی امور ڈویژن نور احمد اور ایشیائی ترقیاتی بینک کی جانب سے کنٹری ڈائریکٹر ژاو ہانگ ینگ نے معاہدے پر دستخط کیے ہیں۔
اے ڈی بی کا مزید کہنا ہے کہ پاکستان کی بین الاقوامی مسابقت کو بہتر بنانے اور کلیدی اداروں کو مزید تقویت دینے کے لیے ان کی طرف سے محصولات اور ٹیکس سے متعلق پالیسی اصلاحات متعارف کروائی جائیں گی۔
یہ نئی فنانسنگ تجارت اور مسابقتی پروگرام کے سب پروگرم 2 کے تحت ہے۔
بیان کے مطابق پہلے مرحلے کے تحت اے ڈی بی نے حکومت کو کچھ بڑی اصلاحات میں بڑے پیمانے مدد کی ہے، جس میں خام مال اور انٹرمیڈیٹ سامان پر بڑے پیمانے پر ٹیرف اور ایڈہاک ڈیوٹی کو ختم کیا جائے۔
