وزیرخزانہ نرملا سیتارمن نے سنیچر کو کہا کہ' حکومت کے ذریعہ کیے گئے مسلسل اصلاح کی وجہ سے بینکوں کی صورت حال بہتر ہوئی ہے اور رواں مالی سال کی پہلی سہ ماہی میں 13 بینکوں نے منافع کمائے ہیں۔ زیادہ التزامات کیے جانے کی وجہ سے اب محض پانچ بینک گھاٹے میں ہیں۔
سیتارمن نے اگلے مالی برس کے بجٹ کی تیاریوں سے پہلے سرکاری اور نجی بینکوں کے سربراہوں کے ساتھ بینکوں کے مظاہرہ کا جائزہ لینے کے بعد نامہ نگاروں سے کہا کہ سرکاری بینکوں کی مالی حالت بہتر ہوئی ہے۔
انہوں نے کہا بینکوں کا مارچ 2018 میں مجموعی این پی اے 8.26 لاکھ کروڑ روپے تھا جو رواں برس ستمبر میں کم ہو کر 7.27 لاکھ کروڑ روپے پر آگیا۔ ان کے التزامات کے مطابق سات برسوں کے سب سے اعلی ترین سطح پر پہنچ گیا ہے اور بینک منافع کمانے لگی ہے۔ رواں مالی برس کی پہلی سہ ماہی میں 13 بینکوں نے فائدہ حاصل کیا ہے۔
انہوں نے کہا کہ گذشتہ ساڑھے چار برسوں میں بینکوں نے 4.53 لاکھ کروڑ روپے وصول کیے ہیں۔ ایسار اعلامیہ پر عملدرآمد سے بینکوں کو 38,896 کروڑ روپے ملے ہیں۔ سنہ 19۔2018 اور رواں مالی برس کی پہلی سہ ماہی میں ایسار معاملے کو چھوڑ کر بینکوں نے 2.08 لاکھ کروڑ روپے وصول کیے ہیں۔
