بہار میں شراب اور نقدی برآمد

بہار میں سیوان ، بیگو سرائے اور ضلع سپول سے آج پولیس نے کثیر مقدار میں شراب کے ساتھ ایک لاکھ روپے نقد برآمد کیے ۔

اطلاعات کے مطابق ضلع کے گٹھنی تھانہ علاقہ کے گھٹنی چیک پوسٹ پر گاڑی چیکنگ کے دوران پولیس نے ایک ٹرک سے 485 کارٹن انگریزی شراب برآمد کی ۔ حالانکہ پولیس کو دیکھتے ہی ٹرک ڈرائیور گاڑی چھوڑ کر فرار ہو گیا۔ برآمدشراب اروناچل پردیش میں تیار کی گئی ہے ۔

اطلاعات کے مطابق برآمد شراب کی قیمت قریب بیس لاکھ روپے ہے ۔ ٹرک نمبر کی بنیاد پر پولیس مالک کا پتہ لگا رہی ہے ۔

وہیں بیگو سرائے سے موصولہ رپورٹ کے مطابق پولیس نے ضلع کے مفصل تھانہ علاقہ کے ایگھو گاﺅں واقع ایک ٹھکانے پر چھاپے ماری کر کے 90 کارٹن انگریزی شراب برآمد کی ۔ اس دوران موقع پر سے ایک لاکھ روپے نقد اور دو موٹر سائیکل بھی پولیس نے برآمد کی ہے ۔ حالانکہ چھاپے ماری کے دوران دھندے باز فرار ہو گئے ۔