اس واقعہ میں متاثرہ شوہر 50 فیصد تک جھلس گیا ہے جس کے بعد پولیس نے ملزم خاتون کو گرفتار کر لیا ہے۔
پولیس کے مطابق شہر کے بھيم نگر آرورا فارم گلی نمبر 3 سے تعلق رکھنے والے اروند جاٹو (35) کی بیوی آشا جاٹو پڑوس میں رہنے والے کیدار بگھیل (40) سے بات چیت کیا کرتی تھی۔
گزشتہ 24 جون کو اروند نے اپنی بیوی کو پڑوسی کیدار سے بات کرنے سے روکا لیکن اس خاتون نے بات نہیں مانی جس کے بعد متاثرہ شوہر نے پڑوسی کیدار کو سمجھایا۔
کیدار کا کہنا تھا کہ اس نے آشا کو 50 ہزار روپے رکھنے کے لیے دیے تھے جس میں سے آشا نے 5 ہزار خرچ کر دیے ہیں اس بات پر اروند اور کیدار کے درمیان بحث ہوئی، بحث کے دو دن بعد 26 جون کو کیدار نے اپنے ساتھیوں کے ساتھ مل کر اروند کی پٹائی کر دی۔
اس کی شکایت اروند نے بھنڈ پولیس سپرنٹنڈنٹ کے دفتر میں کی اور شکایت میں اپنی بیوی کا نام لکھ کر بتایا کہ وہ بھی کیدار کے ساتھ ملی ہوئی ہے جس کے سبب ملزم آشا بھڑک گئی۔
گزشتہ روز آشا اپنے شوہر کے خلاف رپورٹ کرنے شہر کوتوالی گئی ۔کوتوالی میں گھریلو معاملہ ہونے سے اس کو سمجھا بجھا کر گھر بھیج دیا گیا اور آشا نے گھر لوٹتے ہی غصہ میں اپنے شوہر پر مٹی کا تیل ڈال کر آگ لگا دی اور فرواً وہاں سے فرار ہوگئی۔
چیخ پکار سن کر پڑوسيوں نےکسی طرح سے آگ پر قابو کر شوہر کو اسپتال پہنچایا، اس واقعہ کے بعد ملزم بیوی کو گرفتار کر لیا گیا ہے۔
