ریاست کرناٹک کے دارالحکومت بنگلور میں آئندہ لوک سبھا انتخابات کے پیش نظر اسٹوڈنٹس اسلامک آرگنائزیشن (ایس آئی او)نے ایک تفصیلی منشور تیار کیا جو کہ طلبا و نوجوانوں کے مسائل کی نشاندہی کرتا ہے۔
ایس آئی او کے ریاستی صدر محمد نیہال نے بتایا کہ طلبا و نوجوان بیماری کے علاوہ دیگر مسائل سے دو چار ہیں جن کے حل کے تئیں نہ تو تعلیمی ادارے سنجیدہ ہیں اور نہ ہی حکومتیں۔
اسی لیے ایس آئی او نے اس منشور کو تیار کیا جس میں طلبا و نوجوانوں کے مسائل مثلاً تعلیم، روزگار، سماجی انصاف، انسانی حقوق و ماحولیات پر روشنی ڈالتا ہے۔
محمد نیہال نے کہا کہ ہم اس منشور کے پیش نظر تمام تر سیاسی پارٹیوں کے سربراہوں و رہنماؤں سے ملاقات کرکے ان سے یہ درخواست کررہے ہیں کہ وہ آنےوالے انتخابات میں اپنے پارٹی کے منشور میں ہماری مانگیں شامل کریں۔
