اتم کمار ریڈی تلنگانہ کانگریس کے صدر برقرار رہیں گے

تلنگانہ میں کانگریس اُمور کے انچارج آر سی کنتیا نے کہا کہ نلگنڈہ کے رکن پارلیمان اُتم کمار ریڈی تلنگانہ کانگریس کے سربراہ کے طور پر اُس وقت تک برقرار رہے گے جب تک پارٹی ہائی کمان کوئی فیصلہ نہیں کرتا۔

آر سی کنتیا نے حیدرآباد میں صحافیوں سے بات کرتے ہوئے کانگریس رہنما کومٹ ریڈی راج گوپال ریڈی پر نکتہ چینی کرتے ہوئے کہا کہ ان کے خلاف تادیبی کاروائی کی جائے گی۔

انھوں نے مذید کہا کہ تلنگانہ پردیش کانگریس کمیٹی کا اجلاس ناگارجنا ساگر میں اس ماہ کی 29 تاریخ کو ہوگا۔ ہر ماہ ضلعی، منڈل اور بلاک کی سطح کے اجلاس منعقد ہوں گے۔

جولائی کے پہلے ہفتہ میں زیڈ پی ٹی سی اور ایم پی ٹی سی اجلاس ہوگا تاکہ ریاست میں کانگریس کی ناکامی کا جائزہ لیا جاسکے۔