کانکی نارہ میں بم بازی سے دہشت کا ماحول

کانکی نارہ کے چھ نمبر گلی میں بم بازی ہونے کی وجہ سے دو افراد زخمی ہو گئے۔ بم بازی کے سبب علاقے میں دہشت کا ماحول ہے۔

بارکپور پارلیمانی حلقے کے جگتدل تھانہ علاقے میں سیاسی پارٹیوں کے درمیان جھڑپوں کا سلسلہ رکنے کا نام نہیں لے رہا ہے۔جھڑپوں کے سبب عام لوگوں میں دہشت کا ماحول ہے۔

موصولہ اطلاع کے مطابق جگتدل تھانہ کے چھ نمبر گلی میں اچانک بم بازی کا واقعہ پیش آیا جس میں دو افراد زخمی ہو گئے ۔

پولیس کا کہنا ہے کہ علاقے میں بم بازی ہوئی ہے جس میں دو افراد زخمی ہوگئے۔ زخمیوں کو مقامی ہسپتال میں داخل کرایا گیا ہے۔

پولیس نے مزید بتایا کہ تفتیش جاری ہے۔ اب تک کسی کی گرفتاری عمل میں نہیں آئی ہے۔علاقے میں پولیس اور آ ر اے ایف کی ٹیموں کو تعینات کردیا گیا ہے۔

بھاٹ پاڑہ کے رکن اسمبلی پون سنگھ کا کہنا ہے کہ شرپسندوں نے اس واردات کو انجام دیا ہے۔ ان کی گرفتاری ضروری ہے۔ان کی وجہ سے لوگوں میں دہشت پایا جارہا ہے۔