نواپاڑہ اسمبلی سے ترنمول کا نگریس کے ایم ایل اے سنیل سنگھ اور گارولیا میونسپلٹی کے 12 کونسلرز دہلی پہنچ گیے جہاں ایک رسمی تقریب کے دوران بی جے پی میں شامل ہوگئے۔
اس سے قبل ایم ایل اے اور گارولیا میونسپلٹی کے چیئرمین سنیل سنگھ نے کہا تھاکہ وہ کبھی بی جے پی میں شامل نہیں ہوں گے۔مگر سنیل سنگھ اور شمالی 24 پر گنہ کے ضلع ترنمول صدر جیوتی پریہ ملک کے دوران عہدے کو لیے کر تنازع چل رہا تھا۔
بارکپور پارلیمانی حلقے سے بی جے پی کے ایم پی ارجن سنگھ نے کہاکہ ایم ایل اے سنیل سنگھ اور گارولیا میونسپلٹی کے12 کونسلرز ترنمول کانگریس کی سپریمو ممتا بنر جی کی پالیسی سے نالاں ہوکر بی جے پی میں شامل ہوںے کا فیصلہ کیا ہے۔
انہوں نے مزید کہا کہ مغربی بنگال میں تبدیلی کا دور شروع ہو چکا ہے۔حکمراں جماعت کے اور کئی رہنما بی جے پی میں شامل ہوں گے۔
واضح رہے کہ 14 جون کو کنچڑا پاڑہ میں ہونے والے جلسے میں ممتا بنرجی نے عوام خطاب کرتے ہوئے ایم ایل اے اور کونسلرز کو بی جے پی میں شامل نہ ہونے کی نصیحت دی تھی۔
