ہسپتال کے ڈاکٹر نے اب ریاست کے وزیر اعلی یوگی آدتیہ ناتھ سے آکسیجن کی قلت کو جلد دور کرنے اور ہسپتال میں فوری طور پر آکسیجن کی دستیابی کا مطالبہ کیا ہے۔
میرٹھ کے کوتوالی علاقے میں واقع ایوز ہسپتال جہاں ایک آئی وی ایف سینٹر ہے۔ اس ہسپتال میں نومولود بچوں کے علاج کے لئے ایک این آئی سی یو بھی قائم کیا گیا ہے لیکن اب اس نومولود بچوں کی این آئی سی یو میں بھی آکسیجن کی شدید قلت پیدا ہوگئی ہے۔
کورونا اور آکسیجن کی کمی کی وجہ سے ایسی صورتحال میں ڈاکٹر نے وزیر اعلی سے آکسیجن کی دستیابی کے لیے درخواست کی ہے۔ اس کے ساتھ ہی انہوں نے ڈی ایم کو بھی ایک خط لکھ کر بچوں کی زندگی پر آنے والے بحران سے آگاہ کیا۔
میرٹھ میں جس طرح کورونا انفیکشن کا قہر جہاں بزرگوں اور نوجوانوں کے لیے خطرے کا باعث بنا ہوا ہے۔ وہیں اب اس کا اثر نوزائیدہ بچوں کی زندگی پر بھی پڑنے لگا ہے۔ ضرورت ہے کہ حکومت جلد آکسیجن کی قلت کو دور کرے تاکہ انسانی زندگی کو بچایا جا سکے ۔
