ریاست کرناٹک گلبرگہ ضلع میں کووڈ19 کے پسِ منظر میں سیوا بھارتی ٹرسٹ مدھول اور ایم آر این فاؤنڈیشن کی جانب سے گلبرگہ ایڈمنسٹریشن کو 250 سینی ٹائزر کین حوالے کیے گئے۔
اس موقع پر وزیر کان کنی نگران ضلع گلبرگہ مروگیش نیرانی نے کہا کہ ضلع میں کورونا وائرس پر قابو پانے کے لئے ضلع بھر کو سینی ٹائز کیا جارہا ہے۔ شہر میں عوام بھی ضلع افسران اور ہیلتھ افسران کا تعاون کر یں۔ اپنے گھروں، بزرگوں اور بچوں کا خیال کرتے ہوئے غیر ضروری باہر نہ نکلیں۔
کورونا سے بچنے کے لئے احتیاطی تدابیر کا خاص خیال رکھیں اور عوام ویکسین کا ٹیکہ ضرور لگائیں۔جس کے لیے ضلع بھر میں ویکسین سنٹرس قائم کیے گئے ہیں۔
اس موقع پر رکن اسمبلی سیڑم راج کمار تیلکور، کے کے آر ڈی بی کے صدر رکن اسمبلی گلبرگہ جنوب دتا تریہ پاٹل، ضلع کمشنر اور ضلع افسران موجود تھے۔
