جگہ جگہ گندگی کے ڈھیر، مقامی لوگ پریشان

ریاست جموں و کشمیر کے شمالی ضلع بانڈی پورہ کے سمبل قصبے میں جگہ جگہ گندگی اور غلاظتوں کے ڈھیر جمع ہونے کی وجہ سے راہگیروں اور مقامی دکانداروں کو کافی مشکلات کا سامنا کرنا پڑرہا ہے-

سمبل قصبے میں بازار اور دفاتروں کے باہر بھی کافی مقدار میں گندگی کے ڈھیر دیکھے جاسکتے ہیں جن سے بدبو اٹھ رہی ہے جس کی وجہ سے لوگوں کا چلنا پھرنا تک دشوار بن گیا ہے۔

مقامی لوگوں کا الزام ہے کہ متعلقہ میونسپل کمیٹی صفائی کو سنجیدگی سے نہیں لے رہی ہے۔

اس ضمن میں ای ٹی وی بھارت کے نمائندے نے جب میونسپل کمیٹی کے چیئرمین جہانگیر احمد سے رابطہ کیا تو انہوں نے اس بات کا اعتراف کرتے ہوئے دو روز کے اندر اندر پورے قصبے کو صاف کرنے کی یقین دہانی کی۔