راشٹرپتی بھون میں گذشتہ روز وزیر اعظم نریندر مودی کی حلف برداری کی شاندار تقریب میں خاتون وزراء کی ایک بڑی تعداد موجود تھی۔
مودی کی نو منتخب کابینہ میں کئی خاتون وزراء نے حلف لیا جن میں نرملا سیتارمن، سمرتی ایرانی اور ہرسمرت کور بادل شامل ہیں۔
وزیر دفاع نرملا سیتارمن ان چھ خواتین وزراء میں شامل ہیں جو مودی کی نئی حکومت کا حصہ ہیں۔
نرملا سیتارمن راجیہ سبھا کی ممبر ہے۔ واضح رہے کہ این ڈی اے ۔۱ میں نرملا سیتارمن وزیر دفاع تھیں۔
واضح رہے کہ سنہ 2014 میں سمرتی ایرانی سب سے کم عمر کابینی وزیر منتخب ہوئیں۔
سمرتی ایرانی کو انسانی وسائل کی ترقی کی وزارت کا عہدہ دیا گیا تھا۔ بعد میں، انہیں ٹیکسٹائل اور اطلاعات و نشریات عامہ کا قلمدان بھی دیا گیا تھا۔
سادھوی نرنجن جیوتی نے نئی کابینہ میں ریاستی وزیر کے طور پر حلف لیا۔
چھتیس گڑھ کی قبائلی برادری کی رہنما رینوکا سنگھ نے مودی کی نئی حکومت میں وزیر مملکت کے طور پر حلف اٹھایا۔
مغربی بنگال میں بی جے پی کی رہنما دیبوشری چودھری نے بھی پہلی بار وزیر مملکت کا حلف لیا۔
واضح رہے کہ پارلیمانی انتخابات 2019 میں بی جے پی نے مغربی بنگال میں 18 سیٹوں پر کامیابی درج کی۔
