تیسرے روز بھی شوپیاں میں مکمل ہڑتال

حزب المجاہدین تنظیم سے وابستہ عسکریت پسند عادل بشیر وانی کے آبائی علاقے سب ضلع دمحال ہانجی پورہ میں آج تیسرے روز بھی ہڑتال رہی۔

عادل بشیر وانی ولد بشیر احمد وانی ساکنہ واری پورہ دمحال ہانجی پورہ کچھ روز پہلے ہی عسکری تنظیم میں شامل ہوئے تھے اور ضلع شوپیاں میں اتوار کے روز ہوئے تصادم میں وہ ہلاک ہو گئے۔

ان کی ہلاکت کے بعدآج تیسرے روز بھی سب ضلع دمحال ہانجی پورہ میں ہڑتال رہی، اس دوران ٹرانسپورٹ کی نقل وحرکت اور کاروباری سرگرمیاں متاثر رہیں۔