انہوں نے یکم جولائی سے شروع ہونے والی امرناتھ یاترا کے سلسلہ میں حفاظتی انتظامات کا جائزہ لیا۔ ان کے ہمراہ چنار کارپس کمانڈر لیفٹنٹ جنرل کے جے ایس دھلون بھی موجود تھے۔
رنبیر سنگھ نے بالتل اور پہلگام میں تمام تر حفاظتی انتظامات سے متعلق فوج کے اعلی افسران کے ساتھ بات چیت کی۔ اس موقع پر انہوں نے امرناتھ یاترا کے حوالے سے کئے گئے حفاظتی انتظامات کے بارے میں فوجی افسران سے تفصیلی جانکاری حاصل کی۔
انہوں نے فوجی افسران پر زور دیا کہ وہ امرناتھ یاترا کو پُر امن طریقہ سے انجام دینے کے لئے سیکورٹی ایجنسیوں اور سیول انتظامیہ کے ساتھ تال میل بنائیں رکھیں۔
واضح رہے کہ رواں برس یکم جولائی سے امرناتھ یاترا شروع ہونے والی ہے۔ اس تناظر میں مقدس گھپا کی جانب جانے والے بالتل اور پہلگام کے راستوں پر حفاظت کے زبردست انتظامات کئے گئے ہیں جس میں فوج کی مدد بھی طلب کی گئی ہے۔
