گاندھی ہسپتال کے قریب رکھے گئےاس ریفریجریٹر کا مقصد ضرورت مندوں کو کھانا فراہم کرنا ہے۔
اس موقع پر بتایا گیا کہ تقاریب اور ہوٹلز میں بچ جانے والا کھانا یہاں منظم انداز میں رکھا جائے گا، اور اس کھانے کو ضرورت مندوں میں تقسیم کیا جائے گا۔
اس موقع پر رکن پارلیمان بنڈارو دتاتریہ نےکہا کہ سماج میں ایسےلوگ بھی ہیں جو تین وقت کھانے کے لیے پریشان رہتے ہیں، ایسے افراد کے لیے یہ مدد ہے۔
انھوں نے مزید کہا کہ کھانا ضائع ہرگز نہیں کرنا چاہیے، اس موقع پر انھوں نے عوام سے کہا کہ اگر کھانا بچ جائے تو وہ یہاں لاکر اس ریفریجریٹر میں رکھ دیں تاکہ ضرورت مندوں کی مدد ہو اور فاقہ کشوں کی بھوک مٹ سکے۔
