اس ریلی میں کشمیر کے مختلف اضلاع سے تعلق رکھنے والے 40 نوجوانوں نے حصہ لیا۔
ای ٹی وی بھارت کے نمائندے کے مطابق ضلع انتظامیہ نے ہری جھنڈی دکھا کر انہیں سرحدی تحصیل گریز کی طرف روانہ کیا۔ ریلی کے انعقاد کا مقصد جموں وکشمیر بالخصوص ضلع بانڈی پورہ میں سیاحت کو فروغ دینا ہے۔
ضلع ترقیاتی کمشنر بانڈی پورہ نے آج ایک موٹر سائیکل ریلی کو گریز وادی کی طرف روانگی کے لیے ہری جھنڈی دکھائی۔ اس موقع پر ڈپٹی کمشنر بانڈی پورہ شہباز حسین نے بانڈی پورہ میں سیاحت کو اجاگر کرنے کے لیے مقامی نوجوانوں کی ستائش کی۔
انہوں نے نوجوانوں سے کہا کہ وہ ضلع میں برانڈ ایمبسڈر بن کر یہاں سیاحتی سرگرمیوں کے فروغ کو یقینی بنائیں۔
ریلی کو ہری جھنڈی دکھانے کے موقع پر ایس ایس پی،چیف میڈیکل افیسر، اسسٹنٹ کمشنر ریونیو، ڈپٹی انسپکٹر جنرل بی ایس ایف کے علاوہ دیگر متعلقہ افسران بھی موجود تھے۔
