پولیس اہلکاروں نے کسی طرح بھاگ کر اپنی جان بچائی۔ اس آگ میں پوری چوکی جل کر خاکستر ہوگئی۔
سیکٹر 37 پولیس چوکی کے قریب الیکٹرک ٹرانسفارمر نصب ہے جس میں آج صبح اچانک آگ لگ گئی۔
دیکھتے ہی دیکھتے آگ تیزی سے پھیلتی گئی۔ جب آگ پر پولیس اہلکار تمام تر کوششوں کے باوجود قابو نہیں پا سکے تو وہ اپنی جان بچا کر بھاگے۔
اطلاع ملنے پر فائر بریگیڈ کی گاڑیاں موقع پر پہنچ گئیں اور آگ پر قابو پالیا لیکن تب تک پولیس چوکی جل کر خاکستر ہو چکی تھی اور پولیس کے تمام دستاویزات بھی جل کر راکھ کے ڈھیر میں تبدیل ہوگئے تھے۔
قابل ذکر بات یہ ہے کہ ان دنوں نوئیڈا میں آگ لگنے کے بہت سے واقعات ہوئے ہیں۔ بہلول پور کے قریب حال ہی میں کچی آبادیوں میں زبردست آگ بھڑک اٹھی تھی جس میں دو معصوم بچے جھلس کر ہلاک ہوگئے تھے۔
