ریاست راجستھان کے شہر جیسلمیر اور باڑمیر سے تین باراتیں پاکستان گئی تھیں، پاکستان میں ان کی شادی تو ہوگئی لیکن ان تینوں دولہوں کو بغیر دلہن کے ہی بھارت واپس لوٹنا پڑا۔
دونوں ملکوں کے رشتہ داروں کو ملنے کے لیے کافی دقتوں کا سامنا کرنا پڑرہا ہے۔
جیسلمیر اور باڑمیر سے شادی کرنے کے لیے تین بارات پاکستان گئی تھیں جہاں شادی تو ہوگئی لیکن اب دلہن کو لانے کی فکر طاری ہے۔
تینوں پاکستانی دلہنوں کو بھارتی ویزا نہیں دیا گیا جس کے سبب دولہے بغیر دلہن کے ہی بھارت واپس لوٹ آئے۔
ان میں سے دو باراتیں جیسلمیر سے تھیں اور ایک باڑمیر سے، باڑمیر کے رہنے والے مہیندر سنگھ شادی کے بعد سے اب تک اپنی دلہن کا انتظار کررہے ہیں۔
مایوس اہل خانہ نے مرکزی وزیر گجیندر سنگھ شیخاوت سے اپیل کی ہے کہ وہ پاکستان میں موجود ان کی دلہنوں کو بھارتی ویزا فراہم کرنے میں مدد کی جائے تاکہ وہ بھارت جلد آسکیں۔
