نوئیڈا: لوٹ پاٹ کے دو ملزمین گرفتار

نوئیڈا پولیس نے لٹیروں اور جھپٹ ماروں کے خلاف بڑی کارروائی کرتے ہوئے دو افراد کو گرفتار کرلیا اور ان کے قبضہ سے لوٹ کا مال برآمد کرنے کا دعویٰ کیا ہے۔

نوئیڈا میں پولیس نے لٹیروں اور جھپٹ ماورں کے خلاف کارروائی کرتے ہوئے گوتم بودھ نگر سیکٹر 24 سے 2 لٹیروں کو گرفتار کرلیا اور ان کے قبضہ سے 6 موبائل فون اور 6 موٹرسائیکل برآمد کیے۔

سیکٹر 24 تھانہ انچارج سدھیر کمار سنگھ نے بتایا کہ ایک اطلاع کی بنیاد پر پولیس نے گجھوڑ گاؤں کے قریب آکاش اور آدتیہ نامی 2 لٹیروں کو گرفتار کیا جبکہ پولیس نے مختلف مقامات سے لوٹ کے 6 موبائل فون اور 6 چوری کی گئی گاڑیاں برآمد کرلیں۔

تفتیش کے دوران آکاش اور آدتیہ نے بتایا کہ وہ این سی آر علاقہ میں ڈکیتی اور چوری کے متعدد واقعات کو انجام دے چکے ہیں۔ پولیس موبائل فون اور ان سے برآمد شدہ بائیکوں کے مالکان کا پتہ لگانے کی کوشش کر رہی ہے۔ تفتیش کے دوران پولیس کو ان کے کچھ ساتھیوں کے بارے میں بھی پتہ چلا ہے، جن کی تلاش کی جارہی ہے۔