ریلائنس بی پی موبیلٹی لمیٹیڈ نے بدھ کو سٹی مجسٹریٹ آفس سیکٹر 19 نوئیڈا میں سی ایس آر فنڈ کے ذریعے موبائل پٹرول پمپ کا افتتاح کیا۔
اس موقع پر گوتم بودھ نگر کے رکن پارلیمان ڈاکٹر مہیش شرما، سٹی مجسٹریٹ اور سی ایم او ڈاکٹر دیپک اوہری نے جھنڈی دکھا کر اس کا آغاز کیا۔
موبائل پٹرول پمپوں کے ذریعے ضلع کے ہسپتالوں میں چلنے والی ایمبولینس میں روزانہ 50 لیٹر پٹرول اور ڈیزل کی مفت فراہمی کی جائے گی۔ دراصل ریلائنس بی پی موبیلٹی لمیٹیڈ ریاستوں یا شہروں میں ایمبولینسوں میں ایندھن کی فراہمی کے لئے موبائل ڈسپینسنگ یونٹوں کا استعمال کرتے ہوئے ایندھن دے رہی ہے۔
موبائل پیٹرول پمپ کے لانچ پروگرام میں پہنچنے والے گوتم بودھ نگر کے رکن پارلیمان نے بتایا کہ ریلائنس بی پی موبیلٹی لمیٹیڈ نے سی ایس آر فنڈ کے ذریعے ضلع میں یہ سہولت فراہم کی ہے۔ یہ آنے والی کورونا کی تیسری لہر اور جاری وبائی بیماری کے خاتمے میں کافی معاون ثابت ہو گا۔
