وینزویلا: جیل میں جھڑپیں، درجنوں قیدی ہلاک

وینزویلا کی جیل میں ہنگامہ آرائی اور جھڑوں میں 29 قیدی ہلاک ہوگئے جبکہ 19 پولیس عہدیدار زخمی ہوگئے۔

مقامی حکام کے مطابق، ریاست پرتگوئیسا کی اکاریگوا ٹاون جیل میں قیدیوں اور پولیس اسپیشل فورس کے درمیان جھڑپیں ہوئیں جس میں 29 قیدی ہلاک ہوگئے جبکہ 19 پولیس عہدیدار زخمی ہوئے۔

حقوق انسانی تنظیموں کی جانب سے واقعہ پر تشویش کا اظہار کیا اور پولیس کی جانب سے حدسے زیادہ طاقت کے استعمال پر احتجاج کیا۔

وینزویلا کے قید خانے اور جیل گنجائش سے زیادہ قیدیوں، ہتھیاروں اور منشیات کی موجودگی کے باعث بدنام ہیں اور جیلوں میں ہونےو الے جھگڑوں اور ہنگامہ آرائی میں ہر سال درجنوں قیدی مارے جاتے ہیں۔