انتخابی نتائج: شیئرمارکٹ میں زبردست اچھال

لوک سبھا انتخابات میں ووٹوں کی گنتی کے شروعاتی رحجانات میں بی جے پی کی زیرقیادت این ڈی اے کو برتری حاصل ہونے کے بعد شیئرمارکٹ نے بھی ریکارڈ شروعات کی۔

آج کاروبار کے آغاز کے ساتھ ہی سنسکس میں 772 پوائنٹس کی برتری کے ساتھ 39882 پر پہنچ گیا وہیں نفٹی میں بھی 189 پوائنٹس کے اضافہ کے ساتھ 11927 پر رہا۔

لوک سبھا انتخابات نتائج میں شروعاتی رجحانات کے تحت بی جے پی کو دوبارہ اقتدار حاصل ہورہا ہے جس کا اثر اسٹاک مارکٹ پر واضح نظر آرہا ہے۔

شیئر مارکٹ میں ایگزٹ پول کے بعد سے ہی اچھال دیکھا جارہا ہے۔ ایگزٹ پول کے بعد 20 مئی کو سنکس میں ایک ہزار سے زائد پوائنٹس کے اضافہ ہوا تھا۔