آسٹریلیائی ریاست نیو ساؤتھ ویلز میں وزیر اعظم اسکاٹ موریسن اپنی انتخابی مہم کے سلسلے میں ایک تقریب میں شریک تھے کہ ایک خاتون نے پیچھے سے ان پر انڈا پھینک دیا۔
ایک سال سے بھی کم وقفہ سے وزیراعظم کے عہدہ پر فائز موریسن 18 مئی کو ہونے والے قومی انتخابات کے سلسلے میں مہم چلارہے تھے۔
خوش قسمتی سے یہ انڈا وزیر اعظم کو نہ لگا تاہم اس واقعے کی وجہ سے ایک ادھیڑ عمر خاتون نیچے گرگئیں جنہیں آسٹریلوی وزیر اعظم نے سہارا دے کر اْٹھایا۔دوسری جانب پولیس نے حملہ کرنے والی خاتون کو گرفتار کرلیا۔
وزیرعظم نے ٹویٹ میں کہا کہ واقعے میں ایک معمر خاتون کے زخمی ہونے پر انہیں افسوس ہے۔
