بی جے پی نے این ڈی اے کی میٹنگ طلب کی

ایگزٹ پول آتے ہی سیاسی گلیاروں میں ایک بارپھرہلچل شروع ہوگئی، اسی ضمن میں این ڈی اے نے آج ایک میٹنگ طلب کی ہے۔

اس میٹنگ کے لیے سبھی کو دہلی بلایا گیا ہے۔ مانا جارہا ہے کہ 23 مئی کو آنے والے نتائج کے پیش نظرحکمت عملی ترتیب دی جائے گی۔
اورحکومت بنانے کی سمت میں کیا اقدامات کیے جانے چاہئے، اس پر فیصلے کیے جائیں گے۔ فی الحال میٹنگ کی صدارت کون کرنے والا ہے، اس سے متعلق تفصیلات نہیں ملی ہیں۔

exit polls

ایگزٹ پول کے نتائج میں این ڈی اے سبقت ملی ہے۔ اندازے کے مطابق لوک سبھا الیکشن 2019 کے نتائج میں 336 سیٹیں مل سکتی ہیں وہیں یوپی اے صرف 82 سیٹوں پرہی سمٹ کررہ جائے گی۔

دیگرپارٹیوں کو124 سیٹوں پرجیت ملنےکی امید ہے، جہاں این ڈی اے کا کُل ووٹ شیئرتقریباً 48.5 فیصد رہنے کی امید ہے۔ یوپی اے کو 25 فیصد پرہی اکتفا کرنا پڑسکتا ہے۔

وہیں دوسری جانب بتایا جارہا ہے کہ حال میں جن تین ریاستوں کے اسمبلی انتخابات میں کانگریس نے بی جے پی کے ہاتھ سے اقتدارچھینی تھی، انہیں تین ریاستوں میں اب بی جے پی پھرایک بار اپنی پکڑبنانے جارہی ہے۔