میرٹھ: مسلم طالب علم پر ہجومی تشدد

میرٹھ کے موانہ تھانہ علاقے میں ہجومی تشدد کا معاملہ سامنے آیا ہے جہاں ایک مسلم طالب علم پر درجنوں نوجوانوں نے حملہ کردیا ہے۔

میرٹھ، موانا تھانہ علاقے کے مواکا کے رہنے والے آصف کی دو ماہ قبل اسکول میں دوسرے طالب علم سے معمولی جھگڑا ہوا تھا جس کے بعد آج درجنوں نوجوان لڑکوں نے آصف پر حملہ کردیا۔ حملہ میں آصف کے علاوہ ڈاکٹر فرائم شدید زخمی ہوگئے۔

ڈاکٹر فرائم کے مطابق نماز عصر کے بعد درجنوں لڑکے کلینک میں گھس گئے اور کمپاؤنڈ آصف پر چاقو اور طمنچے سے حملہ کردیا جس کے بعد میں بیچ بچاؤ کی کوشش کرنے لگا تو مجھ پر بھی حملہ کردیا اور میرا ایک بازو شدید زخمی ہوگیا۔ ڈاکٹر کا کہنا ہے کہ اگر مقامی افراد صحیح وقت پر نہیں آتے تو آصف کی جان کو خطرہ تھا۔

حملہ کے بعد بیشتر حملہ آور فرار ہونے میں کامیاب ہوگئے لیکن اہم سرغنہ کو پولیس نے گرفتار کرکے 153 بور کا طمنچہ اور کئی کارتوس کو ضبط کرلیا جبکہ دیگر حملہ آوروں کی تلاش جاری ہے۔

واضح رہے کہ آصف ڈاکٹر فرائم کے کلینک میں کمپاونڈر کا کام کرتا ہے۔ حملہ کا سارا واقعہ کلینک کے سی سی ٹی وی میں ریکارڈ ہوگیا۔