تلنگانہ کے شمس آباد علاقہ میں اندرون ایک ماہ، ماں، بیٹی اور بیٹا فوت ہوگئے۔ تھنڈوپلی میں رہنے والے وٹلایا اور سولوچنا جوڑے کو تین بیٹے اور ایک بیٹی ہے۔ اس خاندان نے رشتہ داروں کے ساتھ ایک تہوار میں شرکت کی تھی جس کے بعد خاندان کے پانچ افراد کورونا سے متاثر پائے گئے۔ 70 برس کی سولوچنا کو یکم مئی اسپتال میں شریک کرایا گیا جہاں 12 مئی کو ان کی موت ہوگئی۔
جس کے بعد ان کے 50 سالہ بیٹے سبھاش اور 45 برس کی بیٹی لاونیا کو کورونا سے متاثر ہونے کے بعد اسپتال میں شریک کرایا گیا۔ سبھاش کا 25 اسپتال میں روز علاج کیا گیا جبکہ 8 جون کو ان کی موت ہوگئی۔ وہیں لاونیا 31 روز بعد علاج کے دوران فوت ہوگئیں۔
خاندان میں کورونا کی وجہ سے اندرون ایک ماہ 3 افراد کی موت ہوگئی، جبکہ لاونیا کے شوہر کرن گوڑ کی 10 سال قبل انتقال ہوا تھا۔ سبھاش کی اہلیہ چندریکا اور اس کا بیٹا کورونا سے صحتیاب ہوگئے، ان کا گھر پر ہی علاج کیا گیا۔ سولوچنا، سبھاش اور لاونیا کا علاج ایک کارپوریٹ اسپتال میں کیا گیا جبکہ علاج کےلیے خاندان نے 80 لاکھ روپئے خرچ کئے لیکن تینوں میں سے کسی کو نہیں بچایا جاسکا۔
