مالدیپ کے صدر ابراہیم محمد صالح نے سنیچر کو یہ اعلان کیا۔
مالدیپ کے وزیر خارجہ عبداللہ شاہد نے ایک ٹوئٹ میں کہا کہ ' صدر صالح نے غیرملکی معزز شخصیات کو دیے جانے والے ملک کے اعلی ترین شہری اعزاز سے نوازے جانے کے لئے بھارتی وزیراعظم نریندر مودی کے نام کا اعلان کیا ہے۔ وزیراعظم کو آج نشان عزالدین سے نوازاجائے گا'۔
مسٹر مودی سنیچر سے مالدیپ کے دو روزہ دورہ پر ہوں گے۔
لوک سبھا انتخابات میں بھارتیہ جنتا پارٹی کی قیادت والے قومی جمہوری اتحاد کی زبردست جیت اور مسٹر مودی کے دوسری بار وزیراعظم بننے کے بعد ان کا یہ پہلا غیرملکی دورہ ہے۔
