شمالی کشمیر کے ضلع بارہمولہ کے سرحدی قصبے اوڑی میں ایک بارہ سالہ بچی کے ساتھ مبینہ طور پر جنسی ہراسانی کی گئی۔
ای ٹی وی بھارت کو ملی اطلاعات کے مطابق ناظم حسین (19) ولد عبد الطیف ساکن نوورنڈا اوڑی نے مبینہ طور پر ایک نابالغ لڑکی کو جنسی ہراساں کیا۔ ملزم کو فوری طور پر نزدیکی علاقے سے گرفتار کیا گیا۔
ادھر سینئر سپرنٹنڈنٹ آف پولیس (ایس ایس پی) بارہمولہ عبدالقیوم نے واقعے کی تصدیق کرتے ہوئے کہا کہ ملزم کو گرفتار کیا گیا ہے۔
انہوں نے کہا کہ ایف آئی آر نمبر 151/2020 کے تحت 363 ، 376 آئی پی سی کے تحت مقدمہ درج ہے اور تحقیقات کا آغاز کیا گیا ہے۔
