کالج انتظامیہ کی تحقیقات میں ہوئے اس انکشاف کے بعد افرا تفری کا ماحول ہے۔ فل الحال اس معاملے میں سابق ملازم کے خلاف ایف آئی آر درج کرائی گئی ہے۔
بارہ بنکی۔لکھنؤ روڈ پر گدیہ واقع مییو انسٹیوٹ میں ایم بی بی ایس کی 150 اور نرسنگ کی 350 سیٹیں ہیں۔ یہاں راجیو رنجن مارکیٹنگ مینیجر کے عہدہ پر کام کرتے تھے۔ جسے کالج انتظامیہ نے نومبر 2018 میں معطل کر دیا تھا۔ کیوں کہ ان پر کئی طرح کی شکایتیں تھیں۔ راجیو رنجن کے جانے کے بعد میڈکل کالج انتظامیہ نے تحقیقات کی جس میں کافی چوکانے والے انکشاف سامنے آئے۔
کالج انتظامیہ کو پتا چلا کہ راجیو رنجن نے میڈکل کے تقریبا 15 طلبہ سے ان کو پاس کرانے کے نام پر لاکھوں روپیہ لیے تھے۔ راجیو رنجن نے کچھ طلبہ کو فرضی مارکشیٹ بھی بنوائی تھی۔ راجیو رنجن نے فیل ہوئے طلبہ کو بھی انٹرنشپ کرانے کے نام پر بھی لاکھوں کی رشوت لی ہے۔
کالج انتظامیہ کو جب اس بات کا شبہ ہوا تو دستاویزات کی تحقیقات کی۔ تحقیقات کے بعد یہ پتہ چلا کہ طلبہ کے مارکشیٹ اور یونی ورسٹی کے دستواز میں فرق تھا۔ فل الحال پولس نے اس معاملہ میں مقدمہ درج کر تحقیقات شروع کر دی ہے۔ ساتھ ہی کالج انتظامیہ بھی اس کی تحقیقات کرا رہا ہے۔ کالج انتظامیہ کو امید ہے کہ ابھی اس معاملہ میں کئی اور خلاصہ ہو سکتے ہیں۔
