آخری عشرہ نجات کا ہے

کرناٹک کے عالم دین مولانا نظام الدین برکاتی نے ای ٹی وی بھارت سے بات کرتے ہوئے ہوئے کہا کہ اللہ نے ماہ رمضان کو تین عشروں پر مشتمل فرمایا ہے.

پہلا عشرہ رحمت دوسرا عشرہ مغفرت آخری اور تیسرا عشرہ نجات کا ہے۔
انہوں نے کہا کہ ہم نے تو رمضان کے معنی بدل دیئے ہیں.
آج ہم نے رمضان کو تین حصوں میں تقسیم کر لیا ہے. پہلا عشرہ جذب کے ساتھ ماہ صیام کا اہتمام کرنا، دوسرا عشرہ دعوتوں اور افطار پارٹیوں میں جانا اور تیسرا عشرہ خرید و فروخت میں لگا رہتا ہے.

. اس ضمن میں مولانا نظام الدین نے کہا کہ آخری عشرہ نجات کا ہے، جوکافی اہم ہے. مگر ہم اسے بازاروں اور خریدو فروخت میں لگادیتے ہیں، جس کی وجہ سے عبادت کی جانب توجہ کم ہو جاتی ہے. انہوں نے کہا کہ خریداری سال بھر کی جا سکتی ہے مگر رمضان سال میں صرف ایک بار آتا ہے جس کی قدر ہم سب پر لازم ہے.آخری عشرہ کے ایام کو اللہ کو راضی کرنے میں لگانے پر انھوں نے زور دیا۔