مغر بی بنگال کے شمالی 24 پر گنہ کے بیرکپور پارلیمانی حلقے کے بھاٹ پاڑہ اورکانکی نارہ میں حالات میں بہتری ہونےکی کوشش کو اس وقت جھٹکا لگا جب کانکی نارہ کی 18 نمبر گلی میں نامعلوم شرپسندوں نے فائرنگ کردی۔
نامعلوم شرپسندوں کی فائرنگ کے سبب علاقے میں دہشت پھیل گئی۔ شرپسندوں نے فائرنگ کرنے کے ساتھ ساتھ چند دکانوں میں توڑ پھوڑ بھی کی۔دکانداروں نے اپنی اپنی دکانیں بند کردی ۔
پولیس جب جائے وقوع پر پہنچی تو مقامی باشندوں کے احتجاج کا سامنا کرنا پڑا۔اس دوران پولیس اور باشندوں کے درمیان ہاتھا پا ئی بھی ہوئی جس سے حالات مزید خراب ہو گیے۔
پولیس کاکہناہے کہ باشندوں کی اس حرکت سے مایوسی ہوئی ہے۔ پولیس شرپسندوں کی گرفتاری کے لیے جائے وقوع پرپہنچی تھی مگر پولیس کو باشندوں کے احتجاج کا سامناکرناپڑا۔یہ افسوسناک واقعہ ہے۔
پولیس نے مزیدکہاکہ فائرنگ کرنے والوں کی تلاش جاری ہے۔ اب تک کسی کی گرفتاری عمل میں نہیں آئی ہے۔ اس واقعہ سے حالات کو قابو میں کرنے کی کوشش کو دھچکاپہنچاہے۔
