انتخابات کے پیش نظر الیکشن کمیشن نے بلیک منی،جعلی ووٹرس اور دیگر معاملات پر نگرانی کرنے کیلئے 24خصوصی پولس آبزرورمقرر کیے ہیں۔
خصوصی پولس آبزرورکے طورپر کے کے شرما کا نام آنے کے بعد ہی ترنمول کانگریس نے کہا تھا کہ کے کے شرما کا تعلق آر ایس ایس سے ہے اور ترنمول کانگریس نے آر ایس ایس کے پروگرام میں کے کے شرماکی موجودگی کے شواہد کے طور پر تصویر بھی جاری کی تھی۔الیکشن کمیشن نے تنازع سے بچنے کیلئے کے کے شرما کی جگہ سابق آئی پی ایس آفیسر وویک دوبے کو آبزرور مقرر کیا گیا ہے۔
وویک دوبے کئی اہم عہدے سنبھال چکے ہیں، ان کی شناخت سخت پولس آفیسر کے طور پر ہے۔دوسری جانب سی پی ایم لیڈر رابن دیب نے ریاستی چیف الیکٹرولر آفیسر اے آفتاب سے ملاقات کرکے سنٹرل فورسز کی تعیناتی سے متعلق عرضداشت پیش کی۔وہیں ترنمول کانگریس نے مرکزی فورسز کی غیر ضروری سرگرمیوں کی نشاندہی کرتے ہوئے کمیشن سے شکایت کی ہے۔الیکشن کمیشن نے شمالی بنگال کے ضلع الیکشن کمیشن سے رپورٹ طلب کی ہے۔
