قطر کے دارالحکومت دوحہ میں انڈر گراؤنڈ ٹرین سروس کی اٹھارہ میں سے تیرہ اسٹیشن ابتدائی طور پر سروس فراہم کریں گے، ٹرین 40 کلو میٹر پر مشتمل راستہ طے کرے گی۔
واضح رہے کہ قطر فٹ بال ورلڈ کپ 2022 کی میزبانی بھی کرے گا جس کے پیش نظر ملک میں ترقیاقی منصوبوں پر خصوصی توجہ دی جارہی ہے، تاکہ ملک سمیت غیرملکیوں کو بھی قطر میں بہتر سفری سہولیات میسر ہوں۔
خیال رہے کہ اس ٹرین سروس کی تعمیر میں چھ برس لگے، ابتدائی طور پر قطری دارلحکومت دوحہ کے شہر القسر سے جنوبی شہر الوکرہ تک سروس فراہم کی جارہی ہے۔
قطری افسران کا کہنا ہے کہ 2020 کے آخر تک ٹرین سٹیشن کی تعداد 37 ہوجائے گی، جبکہ 75 کے قریب ٹرینیں ٹریک پر دوڑیں گی۔
قطری ریلوے کے ترجمان عبدااللہ الموالی نے بتایا کہ یہ قطر کی تاریخ کا سب سے بڑا منصوبہ ہے، یہ محض منصوبہ نہیں بلکہ لوگوں کے سفر کے لیے ایک نئی تاریخ ہے۔
واضح رہے کہ فٹ بال ورلڈ کپ سنہ 2020 قطر میں منعقد ہونا ہے جس کے لیے قطری حکومت نے کئی برس سے انتظامات شروع کررکھے ہیں، یہ ٹورنامنٹ 21 نومبر تا 18 دسمبر تک قطر میں منعقد ہوگا، جس کے لیے دنیا کا پہلا منفرد سٹیڈیم تیار کیا جارہا ہے جو اوپر سے بند اور مکمل ایئرکنڈیشنڈ ہوگا۔
