مقابلے میں ٹاس جیت کر ٹیم انڈیا نے پہلے بلے بازی کرنے کا فیصلہ کیا تھا۔ بھارت نے پہلے بلے بازی کرتے ہوئے مقررہ 50 اوورز میں پانچ وکٹ کے نقصان پر 352 رن بنائے اور آسٹریلیا کو جیت کیلئے 353 رنوں کا ہدف دیا ہے ۔
بھارت کے سلامی بلے باز روہت شرما اور شیکھر دھون اچھی شروعات دلائی اور پہلی وکٹ کیلئے 127 رنوں کی شاندار شراکت داری کی۔ تاہم 57 رن بناکر روہت شرما کلٹر نائل کے شکار ہوگئے۔ اس کے بعد شیکھر دھون 117 رن بناکر پویلین لوٹ گئے ۔
اس کے بعد ہاردک پانڈیا نے کھیل شروع کیا اور انہوں نے بھی اننگز کھیلی۔ پانڈیا 27 گیندوں میں 48 رن بناکر آوٹ ہوئے۔ اس کے بعد دھونی نے بھی اپنا دم دکھایا اور 14 گیندوں میں 27 رن بناکر آوٹ ہوئے۔ اس کے بعد وراٹ کوہلی بھی 82 رن بناکر آخری اوور میں آوٹ ہوئے ۔ علاوہ ازیں کے ایل راہل نے تین گیندوں پر 11 رن بناکر ٹیم کے اسکور کو 352 تک پہنچادیا ۔
