گذشتہ 50 گھنٹوں سے ممبئی میں موسلا دھار بارش سے پبلک مقامات پر کافی پانی جمع ہوگیا ہے لوگوں کو آمدورفت میں زبردست مشکلات کا سامنا کرنا پڑرہا ہے۔
موسلا دھار بارش اور پانی جمع ہونے کی وجہ سے مہاراشٹر سرکار نے دو جولائی کو چھٹی کا اعلان کیا ہے۔ اس کے ساتھ ہی سرکاری اور پرائیویٹ اسکولز دو جولائی کو بند رہیں گے۔
مہاراشٹر کے وزیر تعلیم آشیش شیلر نے بتایا کہ موسلا دھار بارش کی وجہ سے متعدد مقامات پر پانی جمع ہوگیا ہے جس کی وجہ سے اسکول جانے والے بچوں کے لیے سخت مشکلات ہے ، اس لیے دو جولائی کو سرکاری اور پرائیویٹ اسکولز بند رہیں گے۔
اس سلسلہ میں بی ایم سی کمشنر پروین پردیشی نے تمام حلقہ جات کے متعلقہ افسران کو اپنے اپنے حلقوں کا جائزہ لینےکی ہدایت دی۔
زبردست بارش کی وجہ ممبئی کے مختلف علاقوں میں سیلاب جیسی صورتحال ہےجس کی وجہ سے روز مرہ کی زندگی ٹھپ ہوگئی۔
محکمہ موسمیات کے مطابق اگلےچوبیس گھنٹوں میں وقفہ وقفہ سے بارش کا امکان ہے۔
دوسری جانب ممبئی پولیس نے عوام سے اپیل کی ہے کہ موسم کی جانکاری لیکر اپنی مصروفیات کو جاری رکھیں اور محفوظ رہیں۔
