عرضی کی سماعت کرتے ہوئے سپریم کورٹ نے ریاستی حکومت کو نوٹس بھیج کر ابھی تک ہونے والے جانچ کی رپورٹ کو دو مئی سے پہلے داخل کرنے کے لیے کہا ہے۔
کورٹ نے اپنے فیصلے میں اس معاملے کی جانچ میرٹھ رینج کے آئی جی سے کرانے کے لیے کہا ہے، جس میں سپریم کورٹ نے آئی جی سے معاملے کو سپریم کورٹ کے فیصلے کے تحت کاروائی کرنے کو کہا ہے۔
واضح رہے کہ سپریم کورٹ نے اپنے حکم نامے میں کہا تھا کہ ان افسران پر کاروائی ہوگی جو کسی معاملے میں کاروائی نہیں کرتے۔
وہیں متاثرہ سمیع الدین کے وکیل نے سپریم کورٹ کو بتایا کہ عدالت کے فیصلے کے بعد مجسٹریٹ نے سی آر پی سی کی دفعہ 164 کے تحت 31 اگست کو سمیع الدین کا بیان درج کیا تھا۔
پولس نے بتایا کہ اس معاملے سے منسلک 10 ملزمین کو اب تک گرفتار کیا جا چکا ہے اور ایک ملزم فرار ہے۔
