یوگا ورکشاپ کا انعقاد ویمنس کالج کی معروف ماہر امراض اطفال ڈاکٹر حمیدہ طارق نے پرنسپل کالج پروفیسر نعیمہ خاتون گلریز کے ہمراہ کیا۔ یوگا میں تیس سے زائد افراد نے اساتذہ کی رہنمائی میں یوگا کے مختلف اسنو کا مظاہرہ کیا ۔
ڈاکٹر حمیدہ طارق نے کہا کہ یوگا بھارت کی سینکڑوں برس کی روایت کا حصہ ہے اچھی صحت، تندرستی اور ذہنی سکون و اعتماد حاصل کرنے کے لیے یوگا ایک بہتر طریقہ ہے انہوں نے کہا کہ وہ خود بھی یوگا کرتی ہیں انہوں نے کہا یوگا کئی بیماریوں سے نجات دلانے میں معاون ہے ۔
اس کےقبل پرنسپل پروفیسر نعیمہ خاتون گلریز نے کہا کہ یوگا جسمانی اور دماغی صحت کو ناصرف بنائے رکھنے میں معاون ہے بلکہ ذہنی تناؤ کو کم بھی کرتا ہے۔
