بی جے پی امیدوار کے خلاف ایف آئی آر درج

مدھیہ پردیش کے اندور لوک سبھا سیٹ سے بی جے پی کے امیدوار شنکر لا لوانی اور ایک پجاری کے خلاف ضابطہ اخلاق کی خلاف ورزی کرنے کے الزام میں ایف آئی آر درج کی گئی۔

پولیس ہیڈکوارٹر سے اطلاع کے مطابق لالوانی کے خلاف 28 اپریل کو ضابطہ اخلاق کی خلاف ورزی کرنے کی شکایت ملی تھی۔

شکایت میں کہا گیا تھا کہ لالوانی نے مقامی كھجرانا گنیش مندر میں بیٹھے گنیش کو بی جے پی کے پرچم کے رنگ والا لباس پیش کیا تھا ، جس پر بی جے پی کا انتخابی نشان کمل کا پھول بھی بنا ہوا تھا۔

بدھ کو ضلع الیکشن افسر سے ملی ہدایت پر كھجرانا تھانہ پولیس نے لالوانی اور مندر کے ایک پجاری کے خلاف تعزیرات ہند اور مذہبی ادارہ ایکٹ کے تحت معاملہ درج کیا ہے۔