فتح پوری مسجد میں بچوں کی شرارت کا ویڈیو وائرل

دارالحکومت دہلی کے شاہی مسجد فتح پوری میں نماز جمعہ کے دوران کچھ شرارتی بچوں نے مسجد میں موجود حوض کو اپنی تفریح کا سامان سمجھتے ہوئے اسے سوئمنگ پول میں تبدیل کردیا۔

شاہجہانی جامع مسجد کے بعد یہ دوسرا واقعہ ہے جب اس طرح سے وضو کے پانی کو اپنے کھیل کے لیے بچوں نے استعمال کیا گیا ہو۔

قابل ذکر ہے کہ گزشتہ کچھ روز قبل ایک ویڈیو وائرل ہوا تھا جس میں دکھایا گیا تھا کہ ایک لڑکا دوسرے لڑکے کو اٹھاکر حوص میں پھینک رہا ہے۔ یہ دونوں بچوں کی شرارتیں ویڈیوں میں قید ہوگئی۔

تاہم اس بار کوئی بچہ زبردستی کسی بچے کو حوض میں نہیں پھینک رہا بلکہ خود بچے اس پانی کو تالاب سمجھ کر اس میں غوطہ لگا رہے ہیں جبکہ تمام مصلی نماز پڑھنے میں مصروف ہیں۔