عالمی سطح پر ماحولیات سے متعلق شعور بیداری کےلیے کوششیں کی جارہی ہے، ان سب کے باوجود عوام میں ماحولیات سے متعلق شعور کی کمی دیکھی جارہی ہے۔ ایسے میں عوام میں بیداری لانے کی ضرورت ہے۔
عوام میں ماحولیات سے متعلق شعور پیدا کرنے کےلیے بڑے پیمانہ پر مہم چلائی جانی چاہئے اور ماحولیاتی آگہی کے لیے میڈیا کی مدد بھی لی جا سکتی ہے۔ اس سلسلہ میں بڑی تعداد میں فلاحی و سماجی تنظیموں کو آگے آنا چاہئے۔
کرناٹک میں ضلع یادگیر کے رکن اسمبلی وینکٹ ریڈی نے آج یوم ماحولیات کے دن شہر کے مختلف مقامات پر شجر کاری مہم میں حصہ لیا اور اس موقع پر انہوں نے عوام سے اپیل کرتے ہوئے کہا کہ ’ہر آدمی کو چاہیے کہ وہ اپنے گھر میں ایک پودا ضرور لگائے‘۔ انہوں نے کہا کہ پودے انسان کو نئی زندگی عطا کرتے ہیں۔
اس موقع پر بی جے پی پارٹی کے متعدد رہنما و کارکنان موجود تھے۔ عالمی یوم ماحولیات کے موقع پر محکمہ بلدیہ کی جانب سے شہر کے مختلف مقامات پر پودے لگائے گئے۔
